Abayizi ba Mbogo College – Kawempe babasabidde nga bagenda mubigezo
Ng’abayizi ba S.4 bagenda mubigezo byabwe eby’akamalirizo kubbalaza, basabiddwa okubeera abegendereza mubuli nsonga.
Abayizi ba S.4 baatandise ebigezo byabwe kulwokutaano nokubuulirirwa nga kati kubbalaza lwebatandika okubiwandiika.
Okusinziira ku Sheik Mahmood Ssekimwanyi Musiitwa Director wa Saqeefah Travel Agency abadde omugenyi omukulu kumukolo gw’okusabira abayizi ba S.4 ne S.6 besomero lya Mbogo College school e Kawempe Mbogo, mububaka bwe akuutidde abayizi obutatya wabula besigamire Allah wamu nobuterabira Allah gyabagye okutuuka webali. Abajjukiza okubeera abagumikiriza,ab’empisa,abakkakamu,abakwata mpola era ab’eddiini ensi lwejja okubanguyira.
Eduwa ekulembeddwa sheikh Walakira Abdallah Ma’azi wamu ne sheikh Mahmood Sekimwanyi Musiitwa.
Omukulu w’esomero lya Mbogo college School Hajji Abdu Noor Sentamu agambye nti abaana babwe bateeseteese bulungi,akalatidde abayizi bano okuleka omukululo nokweyisa obulungi ebbanga lyonna kyekisulumuzo ky’obuwanguzi.
Agambye nti omulimu gwabwe bagukoze era kati balina obwesige mu Allah nti bajja kuyita nga emyaka ejiyise. Asabye gavumenti okusosowaza abasomye mukugaba emirimu kireme kumalamu manyi basomye.
Asiimye abatandisi ba Mbogo Schools okuli Haji Abdul Noor Damulira,Dr Hajji Ibrahim Matovu,Dr Hajat Zauja Ndifuna ne Haji Lulagala Ma’azi olwomusingi gwebagasse kubyenjigiriza by’eggwanga.
Bya Tenywa Ismail Idirisa