Abayizi ku Ibun Hamis Islamic basabiddwa okwekiririzamu nga bagenda mu bigezo.

Ng’abayizi aba S.4 batandise ebigezo byabwe ebyakamalirizo n’essomo ly’okubuulirirwa,basabiddwa okwesigamira ennyo Allah mubuli kimu okusobola okutuuka kubuwanguzi munsi eno.

Omulanga guno gubakubiddwa Ssentebe w’ekitongole Ky’ebigezo by’ediini mu Uganda yonna kumutendera ogwawansi ekya “Islamic primary leaving examinations Board” Sheik Amir Katudde nga asinzidde kumukolo gw’okusabira abayizi ba S.4,S.6,Idaadi wamu ne Thanawi abanatera okutandika ebigezo byabwe ebyakamalirizo kusomero lya Ibun Hamis Islamic ss Kigogwa Matugga mu district ya Wakiso. Eduwa ekulembeddwamu sheik Yahaya Morisho..

Sheik Amir Katudde nga y’omu kuba Director ba Ibun Hamis Islamic SS abasabye okwesigamira Allah wamu n’okwekiririzamu ebbanga lyonna basobole okuyita obulungi. Agambye nti ekimu kubibaletedde okola obulungi nga ogyeko Allah y’enkola yokusomera kumitimbagano eya E-Learning gyebatongoza mu somero lino eyambye ennyo abayizi bano okwongera kukumanya kwabwe n’okubasigamu enkola y’okunonyereza ennyo.

Abayizi ba S.4 bakutandika okuwandika ebigezo byabwe mu butongole ku bbalaza ya Sabiiti egya nga bakutandika n’essomo lya Geography olupapula olusooka ate ekawungeezi bakole Geography olupapula olwokubiri okumala omwezi mulamba. Ate aba S.6 bakutandika nga 10/11/2023 nessomo lyokubuulirirwa.

Eduwa eno yetabiddwako n’omu kuba Director ba Ibun Hamis sheik Siraje Kasirye. Abayizi bonna abagenda okutuula ebigezo kusomero bali omugatte gw’abayizi 270.

Mu bubaka bwe amyuuka akulira esomero lya Ibun Hamis Islamic ss Kigogwa Sheik Hamza Kasirye asiimye abayizi obuvumu bweboleseza ebbanga lyonna nategeeza nti babasuubiramu buwanguzi nga bwebazze bakola emyaka gyonna. Ibun Hamis Islamic ss yezze efuna abana abasinga mu Uganda mubigezo bya Idaadi Ne Thanawi mumyaka egiyise.

Bya Ismail Kabangala