Ebigezo bya Thanawi bitandika enkya.

Ekitongole ekivunanyizibwa ku bigezo by’obusiramu mu ggwanga Uganda kumutendera gwa Secondary ekya Idad and Thanawi Examination Board Uganda olwaleero kifulumizza enteekateeka y’okuwandiika ebigezo by’ediini ebya siniya eyokuna neyomukaaga ebitandika olunaku olwenkya kubalaza nga 20.

okusinziira ku amyuka ssawandiisi w’ekitongole kino Sheik Sowedi Katumba agambye nti ebigezo bya senior eyokuna jiyite Idaad byakumala sabiiti emu era byakukomekerezebwa nga 25 omwezi guno ate ebigezo bya Thanawi byakumala ennaku munaana era byakukomekerezebwa nga 28 omwezi guno.

Sheik katumba agambye nti kumulundi guno abayizi 1881 bebewandiisiza okutuula ebigezo bya Idaad era baakubituulira ewatongozebwa mu bifo 90 okwetolola eggwanga ate abayizi 623 bebewandiisizza okutuula ebigezo bya Thanawi mu bifo 50 okwetolola eggwanga.

Mungeri yemu ono asinzidde wano nategeeza nti omwaaka guno abayizi abewandiisa okutuula ebigezo bino beyongedde nyo bwogerageranya n’abatuula omwaaka oguwedde ogwa 2022.

Katumba agamba ebibuuzo byonna naddala ebigenda okuwandiikibwa byatandika okutambuzibwa kulwokutano lwa wiiki eno era nga byatuusiddwa dda webigenda okujibwa okutwalibwa mu bifo jebigenda okukolebwa.

Ono annyonyodde nti bayungudde dda bakalondoozi babwe abanakuuma ebigezo bino okwetoloola Uganda yonna,nalabula nti omuyizi yenna anakwatibwa mu kukopa ebigezo tewali kulonzalonza byakusazibwamu.

Asiimye abazadde abewaddeyo okusomesa abana eddini nabasaba nti kino kirina okugenda mumaaso kubanga egwanga eriberamu ediini abantu babeera n’ensa, obutebenkevu enkulakulana nemirembe.

Agenze mu maaso nategeeza nti ku mulundi guno bafunyemu abantu abakulu abagenda okola ebigezo bino ng’omu wamyaka 75 ate omulala wamyaka 65 nga bonna bali mubitundu by’obuvanjuba bwa Uganda.

Bya Ismail Tenywa.