One Ummah Uganda egabye zakah eri abantu abasoba mu 400.
Ekitongole ky’obwanakyewa ekya One Ummah Uganda wamu nebanywanyi babwe aba One Ummah UK bagabidde abantu abawerera ddala 429 Zakah okubayambako okukyusa obulamu babwe mubyenfuna nga bongera mu ‘Business’ zabwe wamu n’okutondawo emirimu eri abo abatagirina.
Abantu abaweereddwa zakah eno bavudde mu ‘Districts’ 10 ezenjawulo mu Uganda omuli Yumbe,Kanungu,Kazo,Bushenyi,Mbarara,abantu okuva e Busoga,mu Buganda nendala nga bano bakulembeddwamu ba District kadhi babwe.
Abafunye zakah kubaddeko abakadde,bannamwandu,abauvubuka abatalina mirimu,abasiramu abapya,bamulekwa,,abaliko obulemu,abalwadde nabalala abenjawulo. Emikolo gino gibadde kukitebe ekikulu ekya UMSC ku Gadafi National mosque.
Omugenyi omukulu abadde amyuka mufuti wa Uganda owokubiri HE Dr. Hafiz Muhamad Haruna Bukenya nga asiimye nnyo ekitongole kino ekya One Ummah olwomulimu gwekikola okuyambako abetaavu nasaba nebitongole byobwanakyewa okuyamba kubantu abali mubwetaavu baleme kulindanga gavumenti yokka. Agambye nti embeera eri mubantu sinnungi nga buli omu yetaaga okuyamba munne.
‘Country Director’ wa One Ummah Uganda Hajjat Shania Kigozi asabye abafunye zakah eno okujikozesa obulungi nakalatira abaami obutajiwasamu bakyala balala wabula basooke batereze ebyenfuna byabwe. Agambye nti ye zakah eguddewo omwaka kubanga bakimanyi bulungi nti abantu betavu olwembeera y’ebyenfuna eri mu ggwanga.
Hajjat Shania asiimye gavumenti ya Uganda wamu ne Uganda Muslim supreme council olwokubawa omukisa okuyamba kubannayuganda.
District Kadhi wa Wakiso Mawulana Sheik Elias Kigozi era omu kubaddukanya One Ummah Uganda,agambye nti Zakah eno eganyula abantu bonna okuva mu Uganda naddala eri abo abatekamu okusaba kwabwe nga betaaga okukwasizaako
Ono agambye nti ekitongole kino kiriwo kuzaamu bantu suubi. Agambye nti eno yemu kungeri gyebayambako Gavumenti okuyamba abantu okwejja mubwaavu era asabye abagagga okukwasizaako ennyo abetaavu okusobola okumalawo embera yebikolwa ebikyaamu.
- January 2025
- December 2024
- November 2024
- October 2024
- September 2024
- August 2024
- July 2024
- June 2024
- May 2024
- April 2024
- March 2024
- February 2024
- January 2024
- December 2023
- November 2023
- October 2023
- September 2023
- August 2023
- July 2023
- June 2023
- May 2023
- April 2023
- March 2023
- February 2023
- January 2023
- December 2022
- November 2022
- October 2022
- September 2022
- August 2022
- December 2017
- March 2015
Bya Tenywa Ismail Idirisa