Open space bazeemu okusisinkana abakwatibwako eby’okulonda e’Ntinda
Nga akalulu ka 2026 akabonna kabindabinda, ekitongole ky’obwanakyewa eky’abavubuka ekya Open Space Centre kizeemu okusisinkana abakwatibwako ensonga z’okulonda mu ggwanga omuli ab’akakiiko kebyokulonda, abebyokwerinda,bannamawulire,abakulembeze okuva mubibiina byobufuzi ebyenjawulo omuli NRM, NUP,UPC,DP, FDC wamu n’abakulembeze babavubuka abenjawulo.
Omulamwa omukulu gubadde gutambulira kubutya abavubuka bwebayinza okwetaba obuterevu mukulonda nga tewali butabanguko wadde obusambattuko nga tugenda mukulonda,mukaseera kokulonda n’oluvanyuma lw’okulonda.
Ebiseera ebizze biyita bwetuba tugenda mukulonda noluvanyuma watera okuberawo obugugulano kubawangudde nabawanguddwa ekiviirako oluusi okwonoona ebintu nokuyiwa omusaayi ekintu aba Open Space kyebatagala kulaba mukalulu akaddako mu 2026.
Ensisinkano eno eyokubaganya ebirowoozo eyindidde ku Eureka Palace Hotel e Ntinda mugombolola ya Nakawa mu Kampala era yetabiddwamu ba Returning officers okuva mu Kampala city okuli n’abegombolola ye Nakawa,Lubaga wamu n’amasekati ga Kampala.
Akulira okulonda mu Kampala Mulimira Babra asabye abesimbawo nabalonzi okukiririza muba returning officers kubanga baba balangirira ebyo ebibaliddwa obulungi okuviira ddala kubyaalo paka kumutendera gwa district. Ono asabye abesimbawo okwewala okolagana neba supervisors bebyokulonda oluusi ababalimbalimba nebabajjako ssente nti baziwe returning officer nga babasuubiza okubalangiriranga nga abawanguzi newankubadde nga sibebaba bawangudde,nagamba nti tewali returning officer asaba yesimbyewo ssente okumulangiriranga omuwanguzi.
Kakaire Ashiraf Sharaf omukwanaganya w’emirimu mukitongole ki Open Space Centre agambye nti ekirubirirwa kyabwe kyakulaba nga waberawo okulonda kwamazima nobwenkanya awatali kuyiwa musaayi wadde obuvuvungano.
Bya Tenywa Ismail Idirisa