Owa Ibun Hamis Islamic S S nabalala 2 bagenda Morocco mumpaka za Hadith.
Empaka za Hadith eziyitibwa Muhammad VI foundation of African Scholars in Prophets Hadith ezabayizi okuva mumasomero g’obusiramu agenjawulo ezisokedde ddala mu Uganda zikomekerezeddwa ku muzikiti omukulu mugwanga ogwa Gadhafi National mosque.
Omuyizi Minshawi Abdallah yasinze Kumutendera ogusooka,Bashira Nayebale omuyizi okuva kusomero lya Ibun Hamis Islamic S S Kigogwa Matuga nasinga kumutendera gwa Hadith ogwokubiri olwo omuyizi Asiima Ndize nasinga kumutendera ogwokusatu.
Empaka zino zitegekeddwa obwakabaka bwa Morocco era ng’abawanguzi abasatu bagenda Morocco mumpaka ezakamalirizo. Abayizi abasoba mu 80 bebetabye mumpaka za Hadith zino ezisookedde ddala mu Uganda wabula nga abasatu bano bebagenda okutwalibwa e Morocco mumpaka ezakamalirizo. Mubuufu bwebumu era omuyizi Aminu Masuba okuva kusomero lya Ibun Hamis Islamic S S Matuga akutte ekyokusatu kumutendera gwa Hadith ogwokusatu.
Abalamuzi b’empaka zino kubaddeko Dr Hafiz Muhammad Haruna Bukenya,Sheik Abdallah Sajid Mutyaba,Sheik Ali Kaccope nabalala. Abawanguzi bano bawereddwa certificate wamu n’ensimbi enkalu nga bwebalinda okweyongerayo kumutendera ogusembayo e Morocco.
Omugenyi omukulu abadde amyuka mufuti wa Uganda Dr. Sheikh Ali Waiswa era mububaka bwe asabye abazadde okunyiikira okusomesa abaana ediini mumasomero agalimu ediini kibayambe okuvuganya obulungi munsi ejudde okuvuganya okwamanyi.
Twogeddeko namyuuka principal wa Ibun Hamis Islamic S S e Kigogwa Matuga Sheik Hamuza Kasirye ayozayozezza omuyizi wabwe Bushirah Nayebale olwokuwanika Ibun Hamis mumpaka zino nebebaza Allah olwobuwanguzi buno nasuubiza abazadde nti bakusigala nga babangula abaana b’eggwanga mubintu byediini n’ebyensi nga bwebaze bakola.
Omukolo guno gwetwabiddwako akulira Sharia kukitebe kyobusiramu ekya Uganda Muslim supreme council Dr. Ziyadi Swalehe Lubanga,Regional kadhi wa Kampala sheik Hamid Serwadda Kyewalyanga nabalala.
Bya Ismail Tenywa Idirisa
