Tropical Bank ewadde Mbogo Mixed seminti okuzimba omuzikiti.

Bank ya banna Uganda eya Tropical etuukirizza obweyamo bwayo bwewaddeyo ensawo za seminti 200 eri essomero lya Mbogo Mixed Secondary School e Kawanda Nakyesanja mu Wakiso mukuzimba omuzikiti gwessomero lino ogwa kalina eyemyaliiro ebiri. Kawefube wokuzimba masjid eno yatandika gyebuvuddeko era nga kati wegutuuse bali kumwaliro ogusooka. Omuzimbo guno gusuubirwa okuwementa akawumbi kamu nekitundu era nga gusuubirwa okutuuza abantu 3000.

Hajjat Joweria Mukalazi Executive Director wa Tropical Bank yakwasiza seminti ono omukulu w’essomero lino Alhajji Abdul Hamid Lumu wamu nabamu kubaddukanya nabo emirimu,Hajjati Joweria awerekeddwako akulira ettabi lya Tropical Bank ekkulu Nampebwa Aminah,’relationship manager’ wa Tropical Bank Kasirye Muhammad Muyigwa wamu natwaala ebyamawulire mu banka Sekamanya Mahad.

Mububaka bwe executive director wa Tropical Bank hajjat Mukalazi Joweria agambye nti kino bakikoze okusobola okuyamba omuzikiti guno okuyimirirawo mubwangu olw’obungi bwabayizi kati abasiramu. Asabye banna Uganda okwettanira enkola ya Islamic Banking erimunteekateeka ebayambeko muntambuza yemirimu gyabwe.

Akulira esomero lya Mbogo Mixed Secondary School Kawanda eriri wansi wa Mbogo Schools Alhajji Abdul Hamid Lumu asiimye Tropical Bank olwomutima omugabi nasuubiza nti bakusigala nga batambulira wamu ne Bank eno.

Bya Tenywa Ismail Idirisa