Tropical Bank Ug. Ltd esiimye ba kasitoma baayo.
Bank ya tropical esisinkanye abamu kuba kasitoma baayo betambudde nabo okumala ebbanga nga akabonero akokubasiima nokubebaza obuwagizi. Ensisinkano eno ebadde ku Hotel Africana mu Kampala era nga yetabiddwamu abamakampuni,ebitongole ebyenjawulo,abantu ssekinoomu nabasuubuzi abenjawulo abatereka ne Bank eno. Bino bijidde mukiseera nga bank ya tropical ekyagenda mumaaso nebikujjuko byayo ebyobuwereza mubyensimbi kati emyaka 50 beddu.
Omwezi guno ogw’ekumi gwonna Tropical Bank gwetuumye ‘Customer Service Month’,ebadde eddiza kuba kasitoma babwe omuli okubalambula kumirimu gyebakola,okubasomesa kunzirukanya ya business,okugaba ebirabo ebyenjawulo,okuwaayo eri abetaavu,okusimba emiti,okukyalako mumalwaliro nebirala.
Mububaka bwe ‘Head of Business’ owa Tropical Bank Uganda Ltd omwami Babuwaire Yunusu nga yakiikiridde ‘Executive Director’ wa Tropical Bank mukyala Joweria Mukalazi ,asiimye ba kasitoma babwe olw’obwesiige bwebataddemu kati ebbanga lyamyaka 50. Agambye nti bakwongera okunnyikiza empereza yabwe ennungi era agumizza banna Uganda nti ‘Capital’ gwebalina asukka neku ssente Banka ya Uganda gwetandikirako okukkiriza bank okuwereza banna Uganda. Yunusu Babuwaire anyonyodde nti bakwongera nekumatabi ga Bank eno kulwempereza eri bakasitoma babwe ennungi.
Eng. Rashid Bamzee Director wa Bamzee Engneering Company wamu ne Hajji Twaha Lubega Yiga Director wa RichDad Schools abogedde kulwa ba kasitooma ba Tropical Bank basabye banka zona okutekawo enkola enyangu ezanguyiriza abantu wamu nokwanguya enkola ya Islamic Banking eyambeko abantu okufuna sente ezitaliiko misoso mingi.
Mungeri yemu Hajji Twaha Lubega asiimye empereza ya Tropical Bank ennungi wabula nasaba banka zino okugondeza abantu batandike nokukola kunnaku za Sunday kubanga kati ensi ekyuuse nnyo mumpereza.
Bya Tenywa Ismail Idirisa
