Aba Supermarket babanguddwa mu ngeri gyebakolamu emirimu.

Mukawefube ow’okutumbula eby’obusuubuzi n’ebyenfuna mu ggwanga , aba Mandela Group of companies bategese omusomo ogw’okwongera obukugu mumpeereza mu Supermarkets ezenjawulo wano mu Kampala n’emiriraano.

Omusomo guno ogubadde ku yafeesi enkulu eza Mandela group of companies mu Industrial Area nga gwetabiddwamu abakozi n’abakulu okuva mu Supermarket ezenjawulo abasoba mu 60 era nga gukulembeddwamu omukugu mu byenfuna era nga yakulira emirimu mu Mandela group (C. E. O) Kumar Venkatesh, nga ono asomezesa ebintu ebiwerako, omuli enkwata ya baguzi kiyite ba Kasitoma, enkola yemirimu n’engeri yokukulakulanya emirimu nga byebimu kubigenda okuyambako bano okukuza emirimu gyabwe.

Herbert Bashasha nga ono ye Ssekamwa wa Mandela Group ategezezza nga bbo webakola kino nga ekigendererwa kuyambako abantu abenjawulo okukulakulana era nga nabo bakozesa amagezi gebalina nebagabana nabalala nabo basobole okuseetuka okuva webali.

Abamu ku babadde mumusomo guno batendereza Mandela group of companies olwomutima omulungi n’okwagaliza era bano baweze okuteeka munkola ebibasomeseddwa era nga balabye nga byakubayambako okutumbula ebyenfuna mu kampuni zaabwe.

Bya Ssali Nasif