Abagenda mu Hijja basitula nkya
Aba Almisibaahu travel agency bebamu ku bangi abagenda basitula kulunaku olwokusatu okugenda e Makkah ku mikolo egya Hijja omwaka guno
Mukiseera kino bannayuganda bangi betegekera okutandika okusitula okwolekera e Makkah mu ggwanga erya Saudi Arabia n’ekibuga ky’omutanda Nabbi Muhammad S.A.W e Madinah kumikolo gya Hijja, bajukiziddwa okufaayo okumanya ekibatutte omuli okusaba ennyo,okwenenya,okwebaza n’okwongera okusinza ennyo Allah.
Omulanga guno gubakubiddwa sheik Bruhan Muhusin Kiti bwabadde kumukolo gw’okusiibula abalamazi b’ekitongole kya Almisibaahu travel agency nga omukolo gubadde ku hotel ya 2K ewa Bakuli mu kamapala.
Sheik kiti anyonyodde nti mukisa gw’amaanyi ddala Allah okulonda oyo yenna gw’aba alonze okugenda kunyumba ye kabbah n’ekumikolo gya gya Hijja nga kyamuwendo okumwebaza n’okumutendereza ebbanga lyonna. Abasabye okuyitiriza okusoma Quran,wamu nokwekwata kumirimu emirungi Allah gyayagala wamu n’okwenenyeza Allah kw’ebyo byebasobya.
Hijja Mpagi yakutano mubusiramu era ekolebwa omuntu alina obusobozi yekka. Bino webijidde nga esigadde ennaku ntono ddala okuyingira ennaku e 10 ezisooka mumwezi gwobusiramu ogusembayo ogwa Dhul Hijja 1444A.H oluvanyuma lw’okusenguka kwa Nabbi okuva e Makkah okugenda e madinah.
Director wa Almisibaahu travel agency Sheik Hamis Elias mawejje omugalanda akuutidde abagenda e Makkah okubeera abagumikiriza mubuli kimu kubanga buli mulimu omulungi gwetagamu obugumikiriza. Asiimye abazze besiga ekitongole kyabwe okusabaza kumikolo gya Hijja ne Umrah olw’empereza yabwe nabasuubiza nti sibakubayiwa ebbanga lyonna bakufuba okubawa ekisinga.
Abagenda e Makkah mu Almisibaahu bakutandiika okusitula kulwokusatu enkya nga basubirwa okudda kuno nga 6th -July 2023 oluvanyuma lw’okumaliriza emikolo.
Bya Tenywa Ismail