Abantu bakyeyiwa mu “Great Sundowner” ey’omulundi ogw’omunaana.

Omusomo gagadde ogwa ‘The Great Sundowner’ sizoni ey’omunaana ogw’omwaka 2023 guyingidde olunaku olwokuna nga gubumbujjira ku Hotel ya Equatorial mu Kampala. Ekigendererwa ky’omusomo guno kwekuwa obukugu n’okubabangulwa kungeri y’okutandikawo emirimu egivaamu ensimbi ezamangu.

Omusomo guno gwakumala sabiiti namba era gwatandika ku Sande nga 26th/11/2023 era nga gukomekerezebwa kulwamukaaaga luno nga 2/12/2023 era gwetabwamu abantu abasoba mu 100 buli lunaku.

Sundowner y’omwaka guno etambulidde kumulamwa ogugamba nti “Sente zimera kumiti”era nga omutendesi omukulu ye ssenkulu wa Prof. Bioresearch yenyinni omukenkufu Julius Nyanzi. Abantu abetabye mu sundowner y’omulundi guno bakutendekebwa ennima ey’omulembe,okukola ebijimusa okuva mu pampa, ,okukamula omubisi okuva mukigaji, okukola sabuuni anaaba okuva mubitwetolodde,okukola ebibiriiti nebirala. Omusomo guno gutandika buli lunaku esaawa bbiri ez’enkya paka kumi nabiri ez’ekawungezi.

Omusomo guno guzze gukyuusa obulamu bw’abantu bangi okubayamba okutandikawo emirimu nga bayita mu bintu ebibetolodde naddala mumiddo n’emiti.

Omukenkufu Julius Nyanzi agambye nti bbo nga aba prof. Bioresearch befunyiridde mukulaba nga bakyuusa obulamu bw’abannyuganda nga bayita mukwongera omutindo kubyebalina ebibaliranye.

Asabye banna Uganda okwagala n’okukuuma obutonde bw’ensi kubanga obugagga buli mumiti nabimera. Asiimye abatambudde ne prof. Bioresearch emyaka gyonna nategeeza nti sibakuddiriza kumpereza yabwe okujjako okwongeramu.

Bino bijidde mukiseera nga omukenkufu Julius Nyanzi kyajje awangule engule ya Platinum Winner eya East African Brand Quality Awards 2023/2024 nga kampane esinze okukuuma omutindo gwebikolebwa okuva mu prof. Bioresearch omuli Sukaali w’obutonde owa Stevia,oil akamulibwa okuva mubitundu ebyenjawulo ow’obutonde, obuwoowo obw’omunju n’emotoka,omuzigo ogwongeddwako omutindo,eddagala ery’obutonde erijanjaba endwadde ezitali zimu nebirala bingi.

Bya Ismail Tenywa.