Abasiramu gavumenti tegenda kubaleka bbali mu nkulakulana-Minisita Kabanda.
Minisita ow’ensonga za Kampala nemirirano Hon. Hajjat Minsa Kabanda agumizza abasiramu nti gavumenti siyakubaleka bbali munteekateeka zayo ezokukulakulanya banna Uganda.
Minister okwogera bino asinzidde mu lukungaana lw’abawalimu olwategekeddwa ekitongole kya Federation of Muslim Daawa Organization oluyindidde ku somero lya Nakivubo Blue Primary School mu Kampala nga lwetabiddwamu abawalimu abenjawulo, Executive Director wa Kcca Dorothy Kisaka,Minister omubeezi owa Kampala Hon Christopher Kabuye Kyofatogabye,abebyokwerinda nabakulembeze abenjawulo.
Minister Minsa yeyamye nti gavumenti ekyagenda mu maaso nokubunyisa enteekateeka ezikulakulanya abantu okubajja mu bwavu n’okwongera kunyingiza mu maka omuli Parish Development Model, Emyooga nendala, nasaba abasiramu obutasigalira munteekateeka eno nabo bagyenyigiremu. Era abasiramu bakufuna ssente zino nga tezirimu magoba okusinziira kukyebakanyako ne president munsisinkano gyebalimu. Agambye nti nga minisita wakuwaayo enkoko 2000 buli luvanyuma lwakabanga okulakulanya abakyala abasiramu nabawalimu.
Yye Nankulu wekibuga Kampala Omukyala Dorothy Kisaka asabye abasiramu okukuuma ekibuga nga kiyonjo era nasubiza nti ensonga yokuzaawo ekiffo ekisalilwamu mu park empya ekolebwako.
District kadhi wa wakiso mawulana sheik Elias Kigozi Nkangi yomu kubetabye kumukolo guno nga asiimye nnyo minister wa Kampala Hon Minsa kabanda olwokutumbula enkulakulana mubantu nasaba gavumenti okweyambisa abakulembeze b’amadiini okubunyisa enteekateeka zayo ezikulakulanya abantu kubanga bbo batuukira ddala kumuntu wawansi, asabye abawereddwa obuvunanyizibwa okubeera abalambulukufu mubuli kimu.
Bya Ismail Tenywa