Almisibaahu ekulembeddemu abasoba mu 100 okugenda e Makkah
Abaddu ba Allah abagenda ku Umurah ya December bakubiriziddwa okwesigamira ennyo Allah n’okumanya obukulu bwebifo gyebagenda okolera emikolo gya Umrah e Makkah ne Madinah.
Okusinzira ku Sheik Bashir Sentamu asinzidde ku 2K restaurant ewa Bakuli mu Kampala kumukolo gwokusiibula abalamazi abasoba mu 100 abagenda okutambula nekitongole ekisaabaza abantu okubatwala kumikolo gya Hijja ne Umurah ekya Almisibaahu Travel Agency. Asabye abagenyi ba Allah obutadda mukwebaka wabula bakozese akakisa kano okukoleramu Ibadah nga okwesabira n’okusabira abantu babwe,okusoma Quran wamu nukukola dhikir zonna kubanga ebbanga lyebagenda okumalayo ttono ddala. Sheik Bashir akubiriza abo Allah balonze mubangi okwenyumiriza mukyengera kyabawadde bakikozese okukyuusa obulamu babwe.
Ebibinja bisatu byebitambudde ne kampuni ya Almisibaahu travel agency nga ekisoka kyakusitula olwaleero nga 22-12-2023, ekiddako kyakugenda kulwomukaaga nga 23-12-2023 ate ekisembayo kyakusitula ku balaza nga 25-12-2023.
Akulira kampuni ya Almisibaahu travel agency sheik Hamis Mawejje Elias Omugalanda abuuliridde abalamazi bano okwenywereza ennyo ku Allah kubanga Allah yabalonzeyo mubangi okugenda kunyumba ye eya Kabbah kubanga bangi abalina obusobozi naye Allah takirizanga bagenda munsi ye entukuvu.
Agambye nti abantu balina okuyitiriza okwenenya ebyonono byabwe n’okusaba Allah abalungamye ebbanga lyonna. Sheik Mawejje asabye abalamazi bonna okwesigamira Allah nokulongoosa enkolagana yabwe ne Allah kubanga yemu ku nsonga Allah kwasinziira okwanukula eduwa zabwe.
Sheik Hamis agambye nti kyebenyumirizamu kwekwanguyiza abagenyi ba Allah olugendo lwe Makkah ne madinah nga bayita mukubasaabaza obulungi era nekukumulundi guno bakuwa abalamazi babwe ekisinga nga bwebaze bakola ebbanga lyebamaze nga batambuza bana Uganda okubatwala e Makkah.
Bya Tenywa Ismail.
