Ogwomubaka Ssegirinya Muhammad kkooti egugobye

Kkooti ya Buganda road egobye omusango ogw’okukuma omuliiro mu bantu ogubadde guvunanibwa  omubaka wa Kawempe North mu palamenti Muhammad Ssegiriinya.

Omulamuzi wa kkooti ya Buganda road Glades Kamasanyu olunaku lwa leero agobye omusango oguludde nga guvunanibwa  omubaka wa Kawempe  North Muhammad Ssegiriinya ogw’okukuuma omuliiro mu bantu.

Omusango guno okusinziira ku oludda oluwaabi yaguzza mu 2021 ku miniprice  nga kigambibwa nti  Ssegiriinya yali akuma omuliiro mu bantu nga akute ebipande nga bwalagira okuyimbula bannakibiina kya NUP okuli Eddy  Mutwe, Nubian lee ne James Mubiru  nga kwotadde n’okusaba obuwanguzi bwa presidentiwe Robert Kyagulanyi Ssentamu oluvanyuma lw’okulonda kwa 2021.

Omulamuzi okugoba omusango guno kidiridde oludda oluwaabi okulemererwa okuwa obujjulizi obuluma Ssegiriinya.

Oluvanyuma lwa kkooti twogeddeko n’abantu abenjawulo okubadde omubaka wa Kampala omukyala era munnamateeka mu NUP  Shamim Malende, ssabawandiisi w’ekibiina kya Louise Lubongoya  nabalala nga basanyufu olw’ensala eno.