Okutugyako obuyambi bwa World Bank kigenda kutukosa naye tugume- MP. Basalirwa

Ababaka ba palamenti basabye Banka y’ensi yona eya World Bank obuteeyunira ku bannayuganda abali mu mawanga ga bazungu, okubawabya okutuuka n’okusalawo okugya obuyambi ku Uganda kyebagambye nti abo banoonya kubaawo olw’ensonga nti nabo ebikolwa nga ebyo (eby’ebisiyaga) tebabiwagira.

Gyebuvudeko bank y’ensi yonna ng’eyita kukibanja kyaayo ekya Twitter yategeeza nga bw’egyeeko Uganda obuyambi bwonna bwebadde egiwa nga entabwe eva kutteeka erikugira okulya ebisiyaga eryatekebwako omukono omukulembeze w’egwanga.

Ekiwandiiko kino kyaleka bannayuganda banji nga basattira newankubadde nga gavumenti etegeeza nga bwerina amakubo amalala agokuyitamu okufuna ensimbi ezinayamba okutambuza emirimu gy’eggwanga wadde nga bank y’ensi yona yebadde esinga okuvugyirira ebitongole bya gavumenti.

Ababaka bano mulukungaana lwabannamawulire lwebatuuziza ku palamenti, bagamba kibewunyisa bank y’ensi yonna okugya obuyambi ku Uganda kubanga eteeka yalitaputa mu bukyamu.

Omubaka omukyala owa district ye Tororo Sarah Opendi agamba bbo nga ababaka tebatidde kukyasalibwaawo world bank wabula najiwa amagezzi obutakiriza kuwaba olw’abamu kubanna Uganda abali mu mawanga g’abazungu.

Yye omubaka wa Bugiri Asuman Basalirwa era nga yeyaleeta ebbago eryafuuka eteeka ly’ebisiyaga mu palamenti, agamba world bank yataputa bubi eteeka lino , Ono era agamba okusinziira kundagaano eyakolebwa world bank n’amawanga geewa obuyambi mulimu akawaayiro okobutayingira mu nsonga z’amawanga ez’omunda.

Ono agambye newankubadde Uganda yakukosebwaamukko wabula era kino sikyakubajja ku nono zaabwe bwatyo nasaba banna Uganda obutatya.

Yye omubaka wa Bufumbira East James Nsababutuulo agamba yebuuza lwaki World bank mu mawanga gonna yalondayo ggwanga lya Uganda nga atte amawanga manji agavaayo negayisa eteeka erikugira ebisiyaga.

Asabye amawanga ga Africa gonna okuteeka envumbo ku mawanga gabazungu kuba gasuse okubatyoboola.

Bya Namagembe