Pulezidenti Museveni aguddewo eddwaliro lya Abu Hamza H/C e’Wakiso.

Omukulembeze w’eggwanga Gen. Yoweri Kaguta Museveni aguddewo n’okutongoza mubutongole eddwaliro lya Abu Hamza Health Center e’Kaliiti Busiro mu district ya Wakiso.

Eddwaliro lino lyazimbiddwa ekitongole ky’obwa nakyewa ekiduukirira abantu ekya Umoja Helping Hearts Uganda ekikulirwa Sheik Elias Kigozi Nkangi

.

Omukulembeze w’eggwanga akyiikiriddwa Ssabaminisita wa Uganda Rt.Hon Robinah Nabbanja Musafiri era asoose kuggulawo ddwaliro mulinya lya president n’oluvanyuma neyetaba kumukolo gw’okutuuza mubutongole district Kadhi wa Wakiso Sheik Elias Kigozi kuntebe oluvanyuma lw’okugezesebwa ebbanga lyamyaka ebiri. Omukolo gw’okulayiza Mawulana sheik Elias Kigozi Nkangi gubadde kukitebe kya district y’obusiramu eya wakiso Muslim district council e Kaliiti mu Kitoke e’Wakiso.

Mu bubaka bwa president,ssabaminisita Robina Nabbanja asuubiza nga government bwegenda okwongera okwenenya enkola ya PDM okulaba nga n’abasiramu bajiganyulwamu awatali kwongeramu magoba. Asabye abantu okwenyigira munteekateeka za gavumenti ezikulakulanya abantu n’okomya okolerera embuto zokka. President Museveni awadde district Kadhi wa Wakiso Sheik Elias Kigozi emotoka ya (double carbin) empya ttuku nga ekilabo ky’okumuyozayoza okutuuzibwa kuntebe y’obwa kadhi bwa Wakiso.

Mufti wa Uganda His Eminence sheik shaban Ramadhan Mubajje asabye gavumenti okujjawo amagoba ku ssente za PDM abasiramu nabo basobole obutalekebwa mabega. Asiimye sheik Elias okubeera ow’enkulakulana era omuwulize.

Yye district kadhi alayiziddwa sheik Elias Kigozi asiimye gavumenti ya pulezidenti Museveni okuletawo eddembe ly’okusinza nasaba okwatagana n’abakulembeze b’eddini okubunyisa enteekateeka zayo ezikulakulanya abantu. Asiimye mufuti olw’okukiririza mubavubuka nti nabo basobola bulungi okuwerereza.

Omukolo guno gwetabiddwako amyuka ssabaminisita wa Uganda owokusatu Rt. Hon. Rukia I Nakadama, Minisita wa Kampala Hon. Hajjat Minsa Kabanda,Minister omubeezi ow’ebyettaka Omumbejja Hon. Persis Namuganza,Hon Alelu Hudah minister omubeezi owabazilwanako,Rdc We Wakiso Justine Mbabazi,omumyuka wa ssentebe wa Nrm Mu Buganda Hon Godfrey Kiwanda Ssuubi, Chairman wa UMSC Prof Dr Muhammad Kisambira Lubega, Ssabawandiisi wa UMSC Ali Aluma, Eyaliko ssentebe wakakiiko kebyokulonda mu ggwanga Prof. Dr. Eng. Al hajji Badiru Kigundu,ssentebe wa Shurah Sheik Mukulu Abdul Obeid Kamulegeya,Imam omukulu owa Gadafi mosque sheik Hussein Rajab Kakoza,ababaka ba palamenti,abakungu ba kabaka nabantu abalala bangi.

Bya Tenywa Ismail.