Aba Mbogo High school e’Kawempe bajaganya

Abazadde bajukiziddwa okwekeneenya ennyo amasomero gebatwaalamu abaana okusoma, okulaba oba gagunjula abayizi kumulamwa gweddini n’empisa naddala nga ekiseera kino omuze gw’okwagalana okw’ebikukujju gutabuse

Omulanga guno abazadde gubakubiddwa omusomesa omukugu, omu ku batandisi ba masomero ga Mbogo schools Hajjat Zauja Ndifuna Matovu nga asinzidde kusomero lya Mbogo High school e kawempe Tula kumukolo ogw’okwebaza Allah okuyisa obulungi abayizi ebigeezo mubigezo bya S.4 ebyakafulumizibwa gyebuvuddeko era nga bano bayisiza abayizi 71 mudaala erisooka ate eryokubiri abayizi 82.

Omukolo guno kubaddeko okukwasa abamu kubayiizi abakoze obulungi ebilabo nga omuyiizi eyasinze banne ku Mbogo High school Tula Kisakye Shatra Lukyamuzi yafunye 8 mu masomo 8.

Hajjat Zauja Ndifuna agambye nti ku Mbogo high school omulamwa kwebatambuliza ebyensoma kwekutendeka abayizi abatya katonda,abagala okusoma wamu nokubeera abakozi.

Hajjat zauja ndifuna kulwa Mbogo schools ne Mbogo high school yeyamye nti bakusigala nga bakuumye omutindo gwamasomero gano wamu n’okuyitimula eby’ensoma mu uganda.

Yye omukulu wessomero lya Mbogo high school Hajjat Zainab Maka Kakeeto asiimye nnyo abayizi bano abakoze obulungi neyabaza Allah olwekkula ly’abawa buli mwaka okuyisa obulungi abayizi bebatuuza.