Kyeyagalire bafunye omuzikiti, gubazimbiddwa Umoja Helping Hearts Uganda
District Kadhi wa wakiso Muslim district council Sheik Elias Kigozi Nkangi yakulembeddemu okuggulawo omuzikiti gwa Kyeyagalire masjid Noor gwazimbidde abasiramu b’omukitindu kino nga ayita mukitongole ky’obwanakyeewa kyakulembera ekya Umoja Helping Hearts Uganda.
Omukolo gubadde kumuzikiti wenyinni era gwetabiddwako abantu abenjawulo. Mu bubaka bwe district Kadhi Sheikh Elias Kigozi Nkangi akuutidde abasiraamu b’ekitundu kino okweyambisa omuzikiti guno okukoleramu Ibaadah ezikulakulanya obusiramu nga okusaala mu jamah, okusomesezaamu abasiraamu eddiini yabwe wamu n’okugatta abasiraamu ababeera basowaganye. Sheik Elias agambye kino ky’ekiseera abasiraamu okwongera amaanyi mukunyiikira okukola okusobola okwetusaako ebyetaago.
Mungeri yemu sheik Kigozi akutidde abasiramu okunyiikira okuweerera abaana babwe mu masomero agalimu eddiini kibayambe okukula n’empisa wamu n’ensa, naddala mu kiseera kino nga ensi eweddemu ensonyi nekisa.
Asabye abazadde okubuulirira ennyo abaana babwe ku bulabe bwebisiyaga ne’bizibu ebibulimu kubanga bwaazikiriza omulembe mulamba.
Asabye abantu be Kyeyagalire okukuuma omuzikiti guno nga muyonjo nebigulimu byonna.
Omukolo guno gwetabiddwako amyuka district kadhi wa Lwengo sheik Siraje Jjumba eyakiikiridde sheik Ismail Kibuule, eyavuganyako kuntebe y’obubaka bwa palamenti e Bukoto mid west Isaac Kayiira Junior mutabani w’omugenzi Isaac Kayiira senior nga ono asuubiza okusigala nga alwanirira abantu be aba Bukoto Mid west wamu nabantu abalala.
Bya Ismail Tenywa Kabangala