Abagenda okukola emikolo gya Umurah mwebaze Allah olw’okubalonda mubanji

Sheik Bruhan Muhusin Kiti asibilidde abalamazi bano entanda okwebaza Allah olw’okubalondayo mubangi bonna nabasobozesa okwetaba mumikolo gya Umrah nabasaba balajanire nnyo Allah akkirize emirimu gino nobutagayaarira mubiffo ebyenkizo.

Ekitongole ekisabaaza abantu E Makkah kumikolo gya Hijja Ne Umrah ekya Almisibaahu Travel Agency kisiibudde abalamazi abawerera ddala 120 abagenda kumikolo gya Umrah ya December 2022. Omukolo ogw’okusibula abalamazi bano gubadde ku 2K e Bukesa Mengo mu Kampala era abalamazi bakutandika okusitula kulw’omukaga lwa wiiki eno.

E’Makkah ne Madinah bakumalayo ennaku 10 beddu oluvanyuma bakomewo kubutaka e uganda era bano bakukozesa Egypt Air.

Sheik Hamis Mawejje Elias Omugalanda Omutandiisi wa Almisibaahu Travel Agency abuuliridde abagenda ku Umrah okunyiikira okwesabira,okusabira baganda baabwe,emikwano wamu nokusabira eggwanga ebyenfuna bisobole okuterera.

Sheik Hamis mawejje Asiimye abantu abajja babatekamu obwesige okutambula nabo olw’empereza yabwe ennungi.

.