Abagenze mu mikolo gya Umurah mu kisiibo basabiddwa okutukuza emitima gyabwe.

Abalamazi abasoba mu 30 abayitidde mu kitongole ekya Alimisibaahu travel Agency bebasiibuddwa okwolekera e’kibuga Makkah ne Madinah muggwanga erya Saudi Arabia ku mikolo egya Umrah mu nnaku 10 ezisooka mu mwezi omutukuvu ogwa Ramadhan.

Abalamazi bano bayitidde mukitongole kya Almisibaahu travel agency ekikulirwa sheik Hamis Mawejje Omugalanda era nga e madinah bakumalayo ennaku 5 ne Makkah 5 oluvanyuma bakomewo kubutaka e Uganda. Omukolo gw’okusiibula abalamazzi bano guyindidde ku woteeri ya 2K e Bukesa mu Kampala.

Sheik Hamis mawejje Elias Omugalanda omutandisi wa Almisibaahu trevel agency asabye abagenda mulugendo luno okutukuza emitima gyabwe n’okunyiikira enyo okusaba Allah mubifo byonna eby’enkizo nga batuuse e Makkah ne Madinah. Agambye nti guno Mukisa gwamanyi Allah okubalondayo mumwezi guno ogwa ramadhan kubanga bangi bakyagala naye nga Allah tanabasobozesa .

Sheik Hamis era bwatyo asabye abalina obusobozi okuyitiriza okugaba n’okuwa abeetavu n’okusingako nga bwegubadde emabega kubanga guno mwezi gwakwenyagira mpeera nakusaasiriwa wamu n’okusonyiyibwa.

Bya Tenywa Ismail Kabangala