Abavubuka muwasse mangu musobole okwezimba- Sheikh Kigozi

District Kadhi wa Wakiso Muslim district council Sheik Elias Kigozi Nkangi asabye abavubuka obutatya buvunanyizibwa wamu n’okuwasa nga bakyaali okusobola okwezimba.

Sheik Kigozi okwogera bino asinzidde Wakiso mu Busiiro kumukolo gw’okufumbiza Hajjat Faridah Kirabo wamu munne Mwami Muhammad Nkuubi mu maka g’abakadde ba Faridah.

Sheik Elias Kigozi agambye nti abavubuka bangi ensangi zino batidde obubunanyizibwa bw’okutandiika obufumbo nga bakyaali mumyaka emimpi nebakakana nga oluusi bagudde munsobi ezitagambika.

Sheik kigozi ono takomye okwo akutidde abafumbo okubeera abesigwa,abagumukiriza,okwezimba n’okwongera kunyingiza mumaka.

Akalatidde abaagalana bonna obutawuliriza bigambo by’abantu abatabuzi kubanga byonoonye obufunmbo bw’abantu bangi.

Ono takomye okwo asiimye abasajja bonna abagezezako okutuukiriza obuvunanyizibwa mu maka gabwe nga tebesuulirayo gwanaggamba.

Omukolo guno gwetabiddwako Country Director wa one ummah Uganda Hajjat Shania kigozi nabakungu abalala bangi.

Bya Ismail Tenywa