Abayizi mubeere bawulize eri bazadde bamwe, abasomesa n’ababasingako – Dr. Hafiz Walusimbi.
Akulira Sharia mu Uganda mu yafeesi ya supreme mufti e’Kibuli Dr. Abdul Hafiz Walusimbi akalaatidde abazadde mu ggwanga wonna okusabira ennyo abaana babwe buli lunaku kubanga kyekisumuluzo kyobuwanguzi.
Dr. Abdul Hafiz Okwogera bino asinzidde kusomero lya Mbogo Mixed SS e’Kawanda bwabadde omugenyi omukulu kumukolo gwa duwa ey’okusabira abayizi babwe aba S.4 ,324 Ne S.6 ,207 nga bakola omugatte gwabayizi 531 abanatera okutuula ebigezo eby’akamalirizo mu bbanga ttono okuva kati. Aba S. 4 bakutandika sabiiti egya ate aba S.6 bakutandika mu mwezi ogw’ekumi n’ogumu.
Asiimye abazadde abewaddeyo okusomesa abaana kubanga kyekyobugagga kyokka omuzadde kyalina okuwa omwana. Dr Hafiz Walusimbi asabye abayizi bano okwekiririzamu nga obwesige babutadde mu Allah kubanga yeyesigamirwa ebbanga lyonna.
Yye omukulu w’esomero lino erya Mbogo Mixed SS Kawanda wansi w’amasomero ga Mbogo Schools Hajji Abdul Hamid Lumu agambye nti buli mwaka basabira abayizi babwe n’ekigendererwa ky’okussa obwesige mu Allah okuyisa obulungi abayizi babwe nga bwebakola obulungi buli mwaka. Asiimye abayizi abewaddeyo okutuuka kuddala lino nabasaba okwekiririzamu ebbanga lyonna basobole okubera abawanguzi mubulamu bwabwe. Agambye nti abayizi babwe babasuubira okukolera ddala obulungi okwawukana kumyaka egyiyise kubanga babateeseteese bulungi.
Asabye abazadde okukuuma abana obutiribiri kumize egyeyongedde nga omuze gw’okusulika ennenge.
Bya Ismail Tenywa
