Embuzi 500 zeziweereddwayo ekitongole kya Umoja zisalibwe ku Eid
District kadhi wa Wakiso sheik Elias Kigozi Nkangi nga ayita mu kitongole kyakulira ekya Umoja Helping hearts Uganda aliko embuzi n’endiga eziwerera ddala 500 zagabidde abasiramu okuva mu bitundu bya Uganda ebyejawulo nokusingira ddala abava mu Wakiso n’ebintundu ebiriranyewo basobole okusala ku lunaku lwa Eid Al-Aduha nga akabonero ak’okutendereza Allah.
Omukolo guno gubadde kukitebe Kya Umoja Helping Hearts era ewazimbidwa eddwaliro lya Abu Hamza Health center eligenda okugulibwabwo president Yoweri Kaguta Museveni omwezi ogw’omusanvu ekisangibwa e Kaliiti mu Busiiro wakiso.
Abamu kubantu abaweereddwa embuzi kuliko abakadde,bannamwandu,bamulekwa,ba imam, ba Amiirah,abalikko obulemu nabalala bangi.
Bwabadde akwasa abasiramu embuzi n’endiga zino abasabye okusabira ennyo eggwanga lyabwe Uganda Allah okulongosa embeera mu bantu. Agambye nti embuzi zino zibawereddwa mikwano gya Umoja Helping Hearts okuva mu Dubai nasaba abazifunye okusabira ennyo mikwano gyabwe wamu n’ekitongole kya Umoja.
Sheik Elias Kigozi agambye nti bino byebimu kubiruubirirwa by’ekitongole kya Umoja nga okugabira abasiramu abatalina busobozi embuzi nabo okubeera mubasala.
Asabye abalina obusobozi okukwasizaako abawejere ku lunaku lwa Eid. Ono era nayozayoza abasiramu ba Uganda yonna nensi yonna okutuuka kulunnaku lwa Eid nasaba abasiramu okubeera obumu n’okuyambagana mubuli kimu okusobola okutuka kunkulakulana.
Bya Tenywa Ismail.