Empaka z’omupiira ez’amatwale agakola Wakiso muslim district zigaddwawo Sheikh Elias Kigozi.

Empaka ezakamalirizo ez’omupiira gw’amatwaale agakola district y’obusiramu eya Wakiso muslim district zikomekerezeddwa kukisawe kya Namusera Umea primary school.

Amatwale agetabye mumpaka zino kuliko Nabweru,Nsangi,Gombe Kitaasa,Kira,Kasangati,Nansana,Masulita,Kakiri era zigenze okomekerezebwa nga etwaale lya Gombe kitaasa lyetisse ekikopo ky’omwaka guno bwebawutudde Nsangi goal 3-1 kumutedera ogw’akamalirizo.
Omuwanguzi yetisse ekikopo wamu n’akakadde k’ensimbi ate owokubiri naweebwa kimeeme w’embuzi.

Empaka zino zategekeddwa office ya district y’obusiraamu eya Wakiso muslim district ekulemberwa Sheik Elias Kigozi Nkangi era nga yabadde omugenyi omukulu. Ono ayozayozezza abawanguzi nasiima nnyo ne tiimu zonna ezeetabye mumpaka zino nategeeza nti ez’omulundi oguddako zakubeera zanjawulo ddala.

Sheik elias kigozi bwatyo yeyamye okusigala nga atumbula ebyemizanyo nenkulakulana mu district y’obusiramu gyawererezamu eye wakiso.

Omukolo guno gwetabiddwako ne CAO wa wakiso Hajji Kocox Sempeebwa,akwanaganya police n’omuntu wabulijjo mu Wakiso Kakooza Ali nabakungu abalala bangi.