Ensonga za Uganda Muslim Supreme Council zirinnye enkandaggo.

Ensonga z’okukuba ekitebe ky’obusiraamu mu kkooti  ekya Uganda Muslim Supreme Council zirinye enkandago Kkooti enkulu eyise file y’omusango  guno  ekiguviriddeko obutagenda mu maaso mu maaso g’akuliira  kkooti ya Mwanga 2 e Mmengo omulamuzi   Patrick Ngereza Talisuna.

Abasiraamu  nabantu abalala abagala okugoberera ensonga z’obusiraamu bakedde ku kkooti ya Mwanga 2 e Mmengo  okusobola okulondoola omusango ogwawawabirwa e kitebbe ky’obusiraamu ekya Uganda Muslim Supreme Council.
Enjuyi zombi eziri mu musango guno zisoose kwevumba kafubo n’akuliira abalamuzi ba kkooti eno  Patrick Ngereza Talisuna  nga takirizaamu bamawulire.
Obwedda bo abasigadde wabweru nga batuula bufoofofo n’okuyimirira mu bukukuulu nga  oluvanyuma Haji Abdul Kiyimba  ayogeddeko  nabo  nga bwebaweera okutereeza ensonga z’obusiraamu.
Wayisewo akaseera ne Haji Hassan Basajjabalaba najja era bwafulumye kkooti nagumya  abasiraamu nti bino bigenda kugwa.
Munnamateeka  Musa Kabega  okuva ku ludda lwa Uganda Muslim Supreme Council anyonyodde  ku musango  guno nga bwegusindikiddwa mu kkooti enkulu.
Bo bannamateeka  b’oludda lwa Haji Hassan Basajjabalaba  okubadde Swabur Marzuq  ne Ssekyanzi Lawrence nabo batangazizza ku musango guno era nebalabula abasiraamu obutawudisibwa beenonyezza  byabwe era nebalabula omuntu yena obutetabaala kumenya kiragiro kya kkooti ekyatekebwa ku Uganda Muslim Supreme Council  obutabaako ne kyebakola kyoka nga kkooti bweyalagira.
Bemulugunyizza olwa  kkooti enkulu okuyita omusango guno gwebatanaba nakutqndiika kuwulira era nebategezza nga era omusango guno bwegujja okudizibwa ku kkooti e Mmengo  wegubadde.
Ye Haji Abdul Kiyimba anyonyodde  n’okutangaaza ku kiragiro kya kkooti kino era nalabula Sheikh Mukulu Obeid Kamulegeya obutayingirira nnyo nsonga zino newankubadde nga amuwa ekitibwakye kubanga bo kyebaliko kuterezza nsonga za busiraamu  kyekyoka.
Yerayiridde obutatisobwatiisibwa  muntu yena mu nsonga eno era nga abadde awagirwa abasiraamu nga bwebakuba takibiri.

Ensonga zino zatandiika  ku lunaku lwa kuna nga 10/01/2023 ekiwayi ky’abakulembezze b’obusiraamu nga kikulembeddwamu Haji Hassan Basajjabalaba ne Haji Abdul Kiyimba  bwebasalawo okukuba ekitebe ky’obusiraamu ekya Uganda Muslim Supreme Council  ekikulemberwa Mufti Shaban Mubajje mu mbuga z’amateeka nga bawakanya engeri jebakutemu ensonga z’obusiraamu  omuli ebyobukulembezze  n’engeri jebakwatamu eby’obugagga  by’obusiraamu .