Eyawangula ensiitano y’omumanyi 2022 ku pearl fm Abdul Aziz Wasswa agenze Madiinah.
Eyawangula ensitaano y’omumanyi ku pearl fm 107.9 omwaka oguwedde 2022 Abdul Aziz Wasswa n’abalala basatu bebasitudde akawungezi ka leero okwolekera eggwanga erya Saudi Arabia mu kibuga Madiinah okwongera okubanguka mu misomo gy’eddini ku University eya Madiinah enkulu. Bano bebamu kubayizi abatono mu Uganda abaweebwa sikaala (scholarships) okuva ku somero lya Ibun Hamis Islamic ss Matugga Kigoggwa.
Abayizi bano abana (4) kuliko Kasirye Abdul Rahim,Hamis Mukasa,Wasswa Abdul Aziz eyawangula ensitaano y’omumanyi ku pearl fm 107.9 ey’omwaka oguwedde 2022 ne Hamza Ssebayiga.
Bano basiibuddwa abakulira esomero lya Ibun Hamis Islamic ss omuli sheik Amir Katudde ne sheik Siraje kasirye. Abayizi bano bagenze kubakana namisomo gya ddiini oluvanyuma lw’okumaliriza edaala erya Thanawi era nga bebamu kubayizi abaasinga mu ggwanga lyonna. Bwabadde asibuula abayizi bano kulwa ibun Hamis Islamic ss sheik Hamuza Kasirye amyuuka principal w’esomero lino asibiridde abayizi bano entanda oy’okutya ennyo Allah mubuli kimu nokusaayo omwoyo kumisomo egyibatutte nga lwebajja okutuuka kubuwanguzi.
Pearl fm eyogeddeko n’abamu kubayizi bano abasitudde nebabako byebatubulidde n’essanyu lyebawulira oluvanyuma lw’okufuna omukisa guno ogw’okugenda okusomera ku University ey’eMadiina nebebaza Allah olw’okubalondayo mubangi okufuna omukisa ogusomerako mu kibuga ky’omutanda Nabbi Muhammad S.A.W.
Bya Yenywa Ismail Kabangala.