Eyawangula mu fungiza ne Pearl fm bamututte Saudi akole obwa Barista.
Kampuni ya Barista world e’Kawempe Keti Falawo Bombo Road etuukiriza obweyamo bwayo bweyakola mundagano gyebakola ne Radio ya Pearl fm bwetutte omuvubuka Kiyingi Haruna Abdallah mukibuga ky’eggwanga lya Saudi Arabia ekikulu Riyadhi okola ku kontulakiti yamyaka ebiri.
Omuvubuka ono Kiyingi yawangula okusomera obwerere okuyiga okutabula n’okuteekateka kaawa owomulembe kiyite Barista mumusomo gwa Pearl fm ogwa Fungiza Tukole ne Pearl fm 2022 ogwayindira ku Gadhafi Mosque main Hall,aba Barista world mwebavujirira omusomo guno,ng’omuvubuka ono amaze ebbanga nga atendekebwa omulimu guno okuva kuttendekero lya Barista world e Kawempe gyakugukidde mumulimu guno,noluvanyuma kwekumufunira omulimu guno e Saudi mubuwarabu nga byonna bitereddwamu sente aba Barista World. Okusoma nolugendo luno ebyamuweebwa bibalirirwamu obukadde obusoba mubutano (5.000.000/=)obwa Uganda.
Ono atambudde ne Fly Dubai nga awerekeddwako akulira company ya Barista world Sadat Abdallah Sebyala wamu naba family ya kiyingi.
Twogeddeko ne Kiyingi Haruna Abdallah ono ng’asitula okwolekera e Saudi Arabia nasiima radio ya pearl olwokuteekateka omusomo guno oguyigriza abantu okola nokwejja mubwaavu nasaba nabantu abalala okujjumbira enteekateka za pearl fm zonna zereeta kubanga mulimu omulamwa. Atendereza aba Barista world olwokutuukiriza ekisuubizo kyebakola nagamba nti akuguse bulungi mukuteekateka Kaawa owabuli kika.
Akulira company ya Barista world Sadat Abdallah Sebyala agambye nti guno mukisa gwamanyi ddala okulaba nga batuukiriza obweyamo bwabwe bwebakola obwa scholar wamu nokutwala kiyingi okola omulimu gwebasuubiza nga wonna ensimbi ezisoba mubukadde butaano zezitereddwamu. Asiimye pearl fm olw’enkolagana ennungi eliwo nasaba abantu okwettanira ennyo enteekateka za pearl fm zonna. Agambye nti Kiyingi wakutandikirawo okola emirimu gye amangu ddala ng’atuuse e Saudi.
Akulira radio ya pearl fm Ssozi Mohammed Haroun asiimye bakasitoma abalanga ne pearl fm ebbanga lyonna nayozayoza Kiyingi Haruna Abdallah olwokutuuka kukkula lino wamu nokusiima aba Barista world okutuukiriza kyebeyama mundagaano ne pearl fm.
Bya Tenywa Ismail