Omubalirizi webitabo Hajji Luwano ayanjuddwa Dr. Nansereko mubitiibwa
Omubalirizi webitabo mu ministry y’ebyenjigiriza okuva kutendekero lya Nakawa Vocational Training Institute Hajji Muhammad Luwano ayanjuddwa mwana munne Dr Saidat Abdul Aziz Nansereko mumaka ga hajji Male Abdul Aziz e Kabembe Mukono.
Omukolo gubadde Kabembe Mukono mu Kyaggwe era gwetabiddwako akulira olukiiko lwabataka mu Buganda omutaka Augustine Kizito Mutumba,supreme kadhi wa Kampala sheik Edirisa Habibu Luswabi n’akulira ekitongole ekitwala abalamazi e Makkah ekya Almisibaahu travel agency sheik Hamis Mawejje Elias omugalanda nabalala.
Mububaka bwe sheik Habibu Luswabi akubirizza abafumbiriganiddwa okutya ennyo Allah nokumwesigamira mubuli kimu. Abakuutidde okusaba ennyo Allah okubakulembera mubufumbo bwe.
Yye omukubiriza w’olukiiko lwabataka mu buganda omutaka Augustine Kizito Mutumba asabye abazadde okuyigiriza abaana eddiini n’okukuriza abaana kudini n’empiisa ezaffe ezawano. Avumiridde ebikolwa ebyobufumbo bwebikukujju ebigenda mumaaso munsi nagamba nti kyekiretedde ensi okuggwaamu ensa nemikisa.
Ate akulira ekitongole kya Almisibaahu travel agency sheik Hamis mawejje Elias omugalanda akuutidde abafumbo okugumikiriza mubuli kimu nokusonyiwagana olwo obufumbo busobole okutambula obulungi.
Bya Ismail Tenywa Kabangala