YUASA INVESTMENTS LTD BASIIBULUDDE ABASIRAMU, GEN. KATUMBA ABASIIMYE.

Minisita avunanyizibwa ku nsonga z’ebyentambula Gen Edward Katumba Wamala avudeyo nasaba abaddu ba Allah okufuba okubaako abali obubi bebayamba mukiseera kino nga ekisiibo kinatera okugwako.

Bino abyogede bwabade omugenyi omukulu kumukolo aba kampuni ya YUASA INVESTMENTS LTD kwebasiibululidde abantu abenjawulo ku Sheraton Hotel mu Kampala.

Katumba ategeeza nti abantu abamu betaaga okuyambibwako nabo okweyagala mukiseera kino era yebaziza nnyo kampuni ya YUASA okuvaayo nenteekateeka bweti era nabasaba okugenda maaso n’omutima ogwo.

Mungeri yemu yebaziza kampuni eno bulijjo olw’okusasula emisolo egyibagerekebwako, egisobode okuyamba eggwanga.

Ssenkulu wa kampuni ya YUASA INVESTMENTS LTD Hasham Wahaib ajukiza abaddu ba Allah nti omwezi guno omutukuvu gwakukoleramu birungi era nasaba abantu okukola ebirungi bingi nga tegunagwako.

Ate amyuka Mufti wa Uganda Muslim Supreme Council owokubiri Sheikh Muhammad Ali Waiswa asabye abaddu ba Allah okusigala nga bakola ebirungi wade ng’omwezi gwa Ramadhan guwedeko.

Omukolo guno gwetabiddwako abantu abenjawulo okuva mu ggwanga lyona, mu gavumenti, obwakabaka, obwakyabazinga, bannadiini, ba ambasada okuva mu mawanga agenjawulo nga Syria, Pakistan, Congo, namalala.

Bya Ssali Nasif