Ibun Hamis Islamic SS Matugga batikiddwa mu Quran ne Thanawi

Abayizi 32 aba Ibun Hamis Islamic secondary school Kigoogwa Matugga abamazeeko emisomo gyabwe mu masomo ag’obusiraamu Thanawi ne Quran batikiddwa olwaleero ku somero lino mu Wakiso, era nga Sheikh Elias Kigozi Nkangi Kadhi wa District eno yakulembeddemu omukolo guno.

Mu bubaka bwe omugenyi omukulu sheik Elias kigozi Nkangi akuutidde abatikkiddwa okulwanirira ekitiibwa ky’obusiraamu wamu n’okusomesa ebyo byokka ebigasa abasiramu,okuuma ensa yobusiramu n’okuwangana ekitiibwa. Ono era abakuutidde okweyongerayo okusoma kumadaala agenjawulo kubanga eno siyentikko y’okusoma.

Sheik Elias Kigozi akubirizza abayizi bano okweyisa obulungi, awadde amagezi abayizi 5 abaafunye omukiisa okusomera ku University ya Madinah okugenda okukola ebyo ebibatwala, ebibagasa n’okusabira ensi yabwe.

Omu kubatandisi b’esomero lino sheik Amir Katudde ayozayozeza abayizi abaatikiddwa nabasaba okubeera ba ambassador abalungi aba Ibun Hamis Islamic ss matugga.

Amatikkira gano aga Thanawi gegasookedde ddala aga ibun Hamis Islamic ss Matugga bukyanga yegatta mukisaawe ky’ebyenjigiriza. Omukolo gubaddeko Regional kadhi wa kampala sheik Hamis Sserwadda Busungu, ssabawandiisi w’ebyenjigiriza ku UMSC sheik Juma Bahkit, ssabawandiisi wekitongole ky’ebigezo byeddiini y’obusiramu kumutendera gwa primary ekya IPLE sheik Ismail Kazibwe ,omukulu wettwale lya Kasangati sheik Muhammad Golooba nabalala bangi.

Bya Kabangala Ismail Tenywa