Okunyweza enkolagana n’obumu kikulu nnyo, tusitukiremu.

Ba minisita ba Kabaka, Supreme Mufti wa Uganda Sheikh Muhammad Galabuzi boolekedde America okwetaba mu lukungaana lwa ‘Buganda Bumu’ mu kibuga Seattle.

Supreme Mufti, Sheikh Muhammad Shaban Galabuzi, asinzidde ku kisaawe ky’ennyonyi, e Ntebbe, n’ategeeza nti ensonga y’okunyweza omukwano, okumanyagana, obumu, ze zimu kw’ezo ezibasikirizza okugenda okusisinkana bannayuganda abali eyo.

Owekitiibwa Mariam Nkalubo Mayanja, Minisita w’ettaka obulimi n’obutonde bwensi, agambye nti baagala kuyita mu lukungaana luno okufuna bannamikago abayinza okukwasizaako Obwakabaka okumalawo ebbula ly’amazzi mu ggwanga.

Mu basitudde olwaleero kuliko, Owekitiibwa Noah Kiyimba, Owekitiibwa Hajjat Mariam Nkalubo Mayanja, n’abakungu abalala.