Ubbayi ettikidde abamazeeko Quran 70
Ettendekero lya Ubbayi Bun Ka’ab Islamic Schools E Bombo litikidde abayizi abamazeko Quran wamu nobwa sheik ku Thanawi abawerera ddala 70 ku Hafla yabwe ey’omulundi ogwo 8. Omukolo gwamatikkira guno guyindidde Bombo Nyimbwa mu district ye Luwero.
Omugenyi omukulu abadde mufti wa uganda Dr. sheik shaban Ramadhan Mubajje asabye abazadde okusomesa abaana mumasomero agalimu eddini kubanga ky’ekisumuluzo kyokka ekyobuwanguzi omuzadde kyawa omwana.
Ayozayozeza abaana abatikiddwa leero nabasaba okunywerera ku Quran ebbanga lyonna. Akuutidde abazadde okusomesa abana Quran kubanga kyabugagga. Mufti asabye abazadde okwekeneenya ennyo amasomero gebatwalamu abaana naddala kunsonya y’empisa n’eddini.
Omukolo guno gwetabiddwako ne Dr Qassim Al Qibli omusomi wa Quran omukuukutivu okuva mu ggwanga lya Qatar nga ono akubirizza abazadde okunyiikira okusomesa abaana Quran nga bakyaali bato kubayambeko okujikakasa obulungi.
Ekyenjawulo kumattikira g’omwaka guno kubaddeko n’omwana omuwala Nabukenya Rahmah myaka 8, muwala wa Dr.Hafiz Muhammad Haruna Bukenya ono yalwaala ekirwadde kya kookolo eyakute Quran yonna najimalako.
Kubayizi abatikiddwa kubadde abawala 14 abasigadde babadde balenzi. Kubayizi 70 abatikkiddwa,45 babakutte Quran yonna ate 25 bababatikiddwa obwa sheik Kumutendera gwa Thanawi.
Ssabawandisi wa UMSC Hajji Abas Mulubya Ssekyanzi asabye abalina amasomero g’obusiramu okugawandiisa nekitongole kyebyenjigiriza kukitebe kya kampala mukadde okwewala okufuna obuzibu singa wabawo ensonga yonna okwewala obuzibu.
Director wamasomero ga Ubbayi Islamic schools E Bombo ne Bwebajja Dr. Hafiz Muhammad Haruna Bukenya asiimye nnyo abazadde abewaddeyo nebasomesa abaana eddini ne Quran nabasuubiza nti Ubbayi siyakuddirira mukubangula abaana beggwanga.
Dr Bukenya ono era akalatidde abaana abatikiddwa okweyisa obulungi wamu n’okubeera ekyokulabirako ebbanga lyonna wamu nokukuuma ekifananyi kyamasomero ga Ubbayi.
Omukolo guno gwetabiddwako Sabawandisi wa Uganda Muslim supreme council Hajji Abas Ssekyanzi Mulubya,Amyuka ssabawandisi wa UMSC Sheik Muhammad Ali Aluma,Omukulu wa Shurah Sheik Abdul Obeid Kamulegeya,owa Sharia Dr Ziyadi swalehe Lubanga,Sheik Sufian Muguluma,Dr Adam Ssenjala,Country Director wa One Ummah Uganda Hajjat Shania Kigozi Nkangi, Regional kadhi,District kadhi,abakulu bamatwale, nabantu abalala abenjawulo.
By Tenywa Ismail
